విద్యతోపాటు క్రీడల్లోనూ రాణించాలి

విద్యతోపాటు క్రీడల్లోనూ రాణించాలి

అంతర్జాతీయ వాలీబాల్ మాజీ క్రీడాకారుడు కె. అజయ్ కుమార్ రెడ్డి

విద్యతోపాటు క్రీడలకూ ప్రోత్సాహం

లిటిల్ ఏంజెల్స్ పబ్లిక్ స్కూల్ కరెస్పాండెంట్ బీ. శ్రీకాంత్ రెడ్డి

ఎల్ఏపీలో ఘనంగా 40వ క్రీడా దినోత్సవ కార్యక్రమాలు

విద్యార్థులు చదువుతోపాటు క్రీడల్లోనూ రాణించాలని
అంతర్జాతీయ వాలీబాల్ మాజీ
క్రీడాకారుడు కె. అజయ్ కుమార్ అన్నారు. శుక్రవారం గూడూరు సమీపంలోని శారద నగర్ ప్రాంతంలో ఉన్న లిటిల్ ఏంజెల్స్ పబ్లిక్ స్కూల్ లో 40వ క్రీడా దినోత్సవాన్ని ఘనంగా నిర్వహించారు. ఈ కార్యక్రమానికి ముఖ్య అతిథిగా విచ్చేసిన కె. అజయ్ కుమార్ రెడ్డి తొలుత క్రీడా పోటీల, జాతీయ జెండాలను ఎగురవేశారు. విద్యార్థుల గోరవ వందనాన్ని స్వీకరించారు. క్రీడా పోటీలను ప్రారంభించారు. ఈ సందర్భంగా ఆయన మాట్లాడుతూ విద్యార్థులు చదువుతోపాటు క్రీడల్లోనూ రాణించాలన్నారు. క్రీడలతో శారీరక, మానసిక వికాసం కలుగుతుందన్నారు. జీవితంలో ఎటువంటి విపత్కర పరిస్థితులు ఎదురైనా థైర్యంగా ఎదుర్కొనే శక్తిని కలిగి ఉంటారన్నారు. ఎల్ఏపి స్కూల్ కు రాష్ట్రంలో ఒక ప్రత్యేకమైన గుర్తింపు ఉందన్నారు. పిల్లలందరూ చక్కగా చదువుకుని ఉన్నత శిఖరాలకు ఎదగాలని ఆయన ఆకాంక్షించారు. ఎల్ఏపీ స్కూల్ కరస్పాండెంట్ బుస్సా శ్రీకాంత్ రెడ్డి మాట్లాడుతూ త పాఠశాలలో విద్యతోపాటు, క్రీడలకూ సమాన అవకాశం కల్పిస్తున్నామన్నారు. స్కూల్ లో చదివిన అనేకమంది విద్యార్థులు జాతీయ‌, రాష్ట్ర స్థాయిలలో రాణిస్తున్నారని తెలిపారు. ఎల్ఏపీలో విద్యనభ్యసించిన ప్రతి విద్యార్థి అన్ని రంగాల్లోనూ ఉన్నత స్థాయిల్లో ఉన్నారన్నారు. వారందరినీ ఆదర్శంగా తీసుకుని ప్రస్తుతం చదువుకుంటున్న విద్యార్థులందరూ చక్కగా చదువుకుని అభివృద్ధి చెందాలని కోరారు. ఈ సందర్భంగా విద్యార్థులు నిర్వహించిన వివిధ సాంస్కృతిక కార్యక్రమాలు ఆహూతులను విశేషంగా ఆకట్టుకున్నాయి. అనంతరం క్రీడా పోటీలలో గెలుపొందిన విద్యార్థులకు పాఠశాల కరస్పాండెంట్ శ్రీకాంత్ రెడ్డి, అజయ్ కుమార్ రెడ్డి చేతుల మీదుగా బహుమతులను ప్రదానం చేశారు.
ఈ కార్యక్రమంలో మాజీ పీటీఏ సెక్రెటరీ కొణిదెల మునిగిరీష్, ప్రిన్సిపల్ నమశ్శివాయం, ప్రధానోపాధ్యాయులు సురేష్ కుమార్ రెడ్డి, పాఠశాల సిబ్బంది తదితరులు పాల్గొన్నారు.