గూడూరు అభ్యర్థి పై వీడని ఉత్కంఠ

గూడూరు అభ్యర్థి పై వీడని ఉత్కంఠ

ఇప్పటికే గూడూరు ఎమ్మెల్యే అభ్యర్థి నీ డిక్లేర్ చేసిన జగన్

మూడో జాబితా లో పేరు వెల్లడి

ఆంధ్రప్రదేశ్ లో రాజకీయాలు రసవత్తరంగా మారుతున్నాయి. వైసీపీ మినహా అన్నీ పార్టీలు ఎన్నికల పొత్తుపై కసరత్తు చేస్తుంటే అధికార పార్టీ మాత్రం ఎన్నికల అభ్యర్ధుల వడపోత కార్యక్రమం చేపడుతోంది. వై నాట్ 175 అనే స్టేట్ మెంట్ ని నిజం చేసి చూపించాలనే పట్టుదలతో బలహీనంగా, ప్రజాదరణ పొందని నేతలను మార్చి వారి స్థానంలో వేరే వారిని నిలబెట్టే ప్రయత్నం చేస్తోంది. ఇందులో భాగంగానే ఇప్పటికే రెండు జాబితాల ద్వారా పలువురికి నియోజకవర్గ ఇన్చార్జ్ బాధ్యతలు అప్పగించింది. తాజాగా మూడో జాబితా కూడా సిద్ధం చేసినట్లుగా సమాచారం అందుతోంది. అయితే ఈ జాబితాలో మరో 10-15మంది సిట్టింగ్ ఎమ్మెల్యేల పేర్లు తారుమారు కానున్నట్లుగా తెలుస్తోంది. అయితే ఇప్పటికే తప్పించిన వారిలో కొందరు అసంతృప్తితో వేరే పార్టీలపై వైపు చూస్తుంటే మళ్లీ వైసీపీ అధిష్టానం మరో 10-15మందికి చెక్ పెడుతోందన్న వార్త పార్టీలోనే కాదు అటు క్యాడర్ లో కూడా నిరుత్సాహాన్ని కలిగిస్తోంది.

వైసీపీ స్ట్రాటజీ విచిత్రంగా ఉంది. ఈసారి ఆంధ్రప్రదేశ్ లో జరగబోయే అసెంబ్లీ ఎన్నికల్ని ప్రతిపక్ష పార్టీలు ఎంత సవాల్ గా తీసుకున్నాయో అంతకంటే ప్రెస్టేజియస్ గా వైసీపీ తీసుకున్నట్లుగా కనిపిస్తోంది. అందుకే గత ఎన్నికల్లో 151 మంది ఎమ్మెల్యేలుగా విజయం సాధిస్తే ..ఈసారి వారిలో కొందరికి గెలుపు అవకాశాలు లేవని సర్వేలో తేలడంతో జగన్ ఎమ్మెల్యేల పేర్లను, నియోజకవర్గాలను తారుమారు చేసి బరిలోకి దింపాలని చూస్తు్న్నా్రు. ఇందులో భాగంగానే మొదటి జాబితాలో సిట్టింగ్ ఎమ్మెల్యేలను కాదని 11మందికి నియోజకవర్గ ఇన్చార్జులుగా ప్రకటించారు. అటుపై రెండో జాబితా కూడా విడుదల చేసి మిగిలిన ఎమ్మెల్యేలకు షాక్ ఇచ్చారు. రెండో జాబితాలో 27మంది నేతలను మార్చింది వైసీపీ అధిష్టానం. ఇక ఇప్పుడు మూడో లిస్ట్ కూడా రెడీ చేసినట్లుగా తెలుస్తోంది. ఈజాబితాలో కూడా 10-15మంది సిట్టింగ్ ఎమ్మెల్యేల స్థానాలు, పేర్లు తారుమారు అయ్యే అవకాశం ఉందని తెలుస్తోంది.

గూడూరు సిట్టింగ్ ఎమ్మెల్యే మార్పు తథ్యం అయినా నేపథ్యంలో నూతన అభ్యర్థి ఎవరినేది ఉత్కంఠ నెలకొంది. సియం జగన్ మదిలో అభ్యర్థి పేరు ఖరారు చేసి ఉన్నట్లు విశ్వసనీయ సమాచారం ఆ పేరు మూడో విడత జాబితా లో విడుదల చేయనున్నారు. రేపు సాయంత్రం లోపు ఉమ్మడి నెల్లూరు జిల్లా మూడో జాబితా విడుదల కానున్నట్లు సమాచారం. గూడూరు నియోజకవర్గం తెర పై ఎంతోమంది పేర్లు వచ్చిన ఆ పేర్లు తాడేపల్లి వైసీపీ కార్యాలయం గెట్ వద్దకు కుడా పోలేదు అనీ వైసీపీ పెద్దలు చెబుతున్నారు. జగన్ మదిలో ఆల్ మోస్ట్ అభ్యర్థి పేరు ను ఖరారు చేసినట్లు చెబుతున్నారు.