చదువుతోపాటు క్రీడలు ఎంతో అవసరo

చదువుతోపాటు క్రీడలు ఎంతో అవసరమని నెల్లూరు జిల్లా క్రికెట్ అసోసియేషన్ సంయుక్త కార్యదర్శి కొణిదెల మునిగిరీష్ తెలిపారు.గూడూరు రెండో పట్టణ పరిధిలోని వీరారెడ్డిపల్లి ప్రాంతంలో ఏర్పాటై ఉన్న వీ.ఎస్సార్ ఇంగ్లీషు మీడియంలో ఏర్పాటు చేసిన స్పోర్ట్స్ మీట్ కార్యక్రమంలో ఆయన పాల్గొన్నారు.రెండో పట్టణ పరిధిలోని వీరారెడ్డిపల్లిలో ఏర్పాటై ఉన్న వీ.ఎస్సార్ ఇంగ్లీషు మీడియం పాఠశాలలో 16వ స్పోర్ట్స్ మీట్ కార్యక్రమం ఏర్పాటు చేశారు.ఈ పోటీల్లో విద్యార్దులు ఉత్సాహంగా పాల్గొన్నారు.ఈ కార్యక్రమానికి ముఖ్య అతిధిగా హాజరైన నెల్లూరు జిల్లా క్రికెట్ అసోసియేషన్ సంయుక్త కార్యదర్శి మునిగిరీష్ పోటీలు ప్రారంభించారు.విద్యార్దుల మార్చ్ ఫాస్ట్ ఆకట్టుకుంది.అనంతరం క్రీడా జ్యోతిని వెలిగించారు.ఈ సందర్భంగా ఏర్పాటు చేసిన సమావేశంలో మునిగిరీష్ మాట్లాడుతూ..విద్యార్దులకు క్రీడాపోటీలు నిర్వహించడం అభినందనీయమని యాజమాన్యాన్ని కొనియాడారు.చదువుతో పాటు క్రీడల్లో విద్యార్దులు ప్రతిభ కనపరచాలని సూచించారు.తల్లిదండ్రులు కూడా పిల్లలను చదువుతో పాటు ఏదొక క్రీడపై శ్రద్ద కనపరిచేలా చొరవ తీసుకోవాలని ఆయన వివరించారు.ఇంకా మరికొందరు మాట్లాడారు.ఈ కార్యక్రమంలో పాఠశాల డైరెక్టర్ నందిమండలం బాలక్రిష్ణం రాజు,ఉపాద్యాయులు,తదితరులు పాల్గొన్నారు.