గూడూరు , చిల్లకూరు మండలాల పాస్టర్లకు బట్టలు పంపిణీ చేసిన ఎమ్మెల్యే పాశిం సునీల్ కుమార్

గూడూరు: తిరుపతి పార్లమెంట్ టిడిపి క్రిస్టియన్ సెల్ ఆధ్వర్యంలో నేడు గూడూరు ఎమ్మెల్యే క్యాంపు కార్యాలయం నందు గూడూరు, చిల్లకూరు మండలాలలోని గ్రామాలలో దేవుని పరిచర్య చేయుచున్న పలు చర్చిల పాస్టర్లకు,  వారి సతీమణులకు క్రిస్మస్ మరియు నూతన సంవత్సరం సందర్భంగా గూడూరు ఎమ్మెల్యే డాక్టర్ పాశిం సునీల్ కుమార్  చేతుల మీదుగా పంపిణీ చేయడం జరిగింది. గూడూరు నియోజకవర్గ వ్యాప్తంగా దేవుని సేవ చేయుచున్న పలువురు పాస్టర్లకు బట్టలు అందించిన ఎమ్మెల్యే డాక్టర్ సునీల్ కుమార్ గారికి హృదయపూర్వక ధన్యవాదాలు తెలియజేస్తున్నామని క్రిస్టియన్ సెల్ సభ్యులు మరియు బట్టలు అందుకున్న పాస్టర్లు పేర్కొన్నారు.

           ఈ కార్యక్రమంలో టిడిపి తిరుపతి పార్లమెంట్ క్రిస్టియన్ సెల్ అధ్యక్షుడు తాతపూడి ఇశ్రాయేల్ కుమార్, టిడిపి తిరుపతి పార్లమెంట్ అధికార ప్రతినిధి బిల్లు చెంచురామయ్య, టిడిపి గూడూరు నియోజకవర్గ ముస్లిం మైనారిటీ అధ్యక్షుడు ఎండి అబ్దుల్ రహీం, టిడిపి తిరుపతి పార్లమెంట్ సాంస్కృతిక శాఖ కార్యదర్శి ఈసంశెట్టి నట శేఖర్ , గూడూరు పట్టణ ఎస్సీ సెల్ వైస్ ప్రెసిడెంట్ వేల్పుల రమేష్ కుమార్ , తెలుగు యువత నాయకులు వేముల సునీల్ , గూడూరు, చిల్లకూరు మండలాల పాస్టర్లు జార్జ్, ప్రేమ్ కుమార్ , సుధీర్, భారతి మరియు పలువురు పాస్టర్లు పాల్గొన్నారు..