కలిసి ఉంటేనే నిలబడతాం.. విడిపోతే పడిపోతాం.. పవన్ కళ్యాణ్ కార్యాలయం ట్వీట్

కలిసి ఉంటేనే నిలబడతాం.. విడిపోతే పడిపోతాం.. పవన్ కళ్యాణ్ కార్యాలయం ట్వీట్

ఏపీ డిప్యూటీ సీఎం పవన్ కళ్యా్ణ్ ఎక్స్ వేదికగా ట్వీట్ చేశారు. పవన్ కళ్యాణ్ తరుఫున ఆంధ్రప్రదేశ్ డిప్యూటీ సీఎంవో ఈ ట్వీట్ చేసింది. కలిసి ఉంటేనే నిలబడతాం.. విడిపోతే పడిపోతాం అనే అర్థం వచ్చేలా ఇంగ్లీష్ కోట్ ట్వీట్ చేసింది. “United we stand, divided we fall” అంటూ ట్వీ్ట్ చేసింది. సంధ్య థియేటర్ వ్యవహారంలో హీరో అల్లు అర్జున్ అరెస్ట్ నేపథ్యంలో ఈ ట్వీట్ సోషల్ మీడియాలో వైరల్ అవుతోంది. అయితే కాసేపటికే అదే డిప్యూటీ సీఎంవో ఎక్స్ అకౌంట్ నుంచి పూర్తి ట్వీట్ చేశారు.
” ఆంధ్రప్రదేశ్ రాష్ట్రం అభివృద్ధి పథంలో సాగాలన్నా, పెట్టుబడులు రావాలన్నా కనీసం రెండున్నర దశాబ్దాల పాటు రాజకీయ స్థిరత్వం అవసరం. మనం కులాల వారీగా, ప్రాంతాల వారీగా విడిపోతే సాదించలేం. 21 వ శతాబ్దంలో కూడా నా కులం, నా వర్గం అంటే కష్టం. విభేదాలు, సమస్యలు ఉంటే పరిష్కరించుకుందాం. ప్రతీ ఒక్కరూ అర్దం చేసుకుని విభేదాలు పక్కన పెట్టి ఆంధ్రప్రదేశ్ రాష్ట్ర అభివృద్ధిలో భాగస్వామ్యులు కావాలని మనస్ఫూర్తిగా ఆకాంక్షిస్తున్నాను.”United we stand, divided we fall” అంటూ పవన్ కళ్యాణ్ ట్వీట్ చేశారు.
మరోవైపు విజయవాడలో జరిగిన స్వర్ణాంధ్ర విజన్ 2047 విజన్ డాక్యుమెంట్ విడుదల కార్యక్రమంలో ఏపీ డిప్యూటీ సీఎం పవన్ కళ్యాణ్ పాల్గొన్నారు. ఈ సందర్భంగా మాట్లాడిన పవన్ కళ్యాణ్ రాష్ట్రం కోసం సీఎం నారా చంద్రబాబు నాయుడు పడుతున్న తపనను కొనియాడారు. చంద్రబాబు నాయుడు తన కోసం కలలు కనలేదన్న పవన్ కళ్యాణ్..ఉమ్మడి ఆంధ్రప్రదేశ్ కోసం కలలు కన్న మహానాయకుడని అన్నారు. చంద్రబాబు 2020 విజన్ గురించి చెప్పిన సమయంతో మాదాపూర్‌లో మేమంతా రాళ్ళు రప్పలు చూస్తే, చంద్రబాబు సైబర్ సిటీని చూశారని పవన్ కళ్యాణ్ అన్నారు.
తాజ్ మహల్ నిర్మాణానికి రాళ్ళెత్తిన కూలీలు గుర్తు లేరు కానీ.. నిర్మాణం గుర్తుండిపోయిందనీ.. అలాగే ఈ రోజున అన్ని లక్షల మందికి ఉపాధి కల్పించిన సైబర్ సిటీ, వచ్చిన బిల్డింగులు , అవకాశాలకు రూపకర్త చంద్రబాబు అంటూ ప్రశంసించారు. స్వర్ణాంధ్ర విజన్ డాక్యుమెంట్ చేస్తున్నప్పుడు మనసు చాలా తృప్తిగా ఉందన్న పవన్ కళ్యాణ్.. ఇన్ని కోట్ల మంది ప్రజలకు బలం ఇవ్వడానికి, ఆర్థిక వ్యవస్థను బలోపేతం చెయ్యడానికి ఈ విజన్ డాక్యుమెంట్ ఉపకరిస్తుందని అన్నారు. ఏపీని టూరిస్ట్ డెస్టినేషన్ చేయాలని ప్రణాళికలు రచిస్తున్నామన్న డిప్యూటీ సీఎం పవన్ కళ్యాణ్.. మన రాష్ట్రాలకు వచ్చే యాత్రికులకు భద్రత కల్పించాల్సిన బాధ్యత మనపై ఉందన్నారు. స్వర్ణాంధ్ర విజన్ 2024 డాక్యుమెంట్ సాకారానికి అందరూ కృషి చేయాలని పవన్ కళ్యాణ్ సూచించారు.