చంద్రగిరిలో ఓ వ్యక్తి పోలీస్ స్టేషన్ ఎదుట పెట్రోల్ పోసుకుని నిప్పంటించుకున్న ఘటన

తిరుపతి

చంద్రగిరిలో ఓ వ్యక్తి పోలీస్ స్టేషన్ ఎదుట పెట్రోల్ పోసుకుని నిప్పంటించుకున్న ఘటన తిరుపతి జిల్లాలో కలకలం సృష్టించింది. విజయవాడకు చెందిన మణికంఠ తమిళనాడు రాష్ట్రం తిరుత్తణికి చెందిన దుర్గ ని పెళ్లి చేసుకున్నాడు. 8ఏళ్ల కుమార్తె, 5ఏళ్ల అభయ్ ఇద్దరు పిల్లలు ఉన్నారు. విజయవాడ నుంచి బ్రతుకు తెరువు కోసం హైదరాబాద్ లో స్థిరపడ్డారు. మూడు నెలలు క్రితం భర్తతో విభేదించిన దుర్గా తిరుపతికి చేరుకుంది. భాకరాపేట చెందిన సోను అలియాస్ బాషా తో పరిచయం ఏర్పడింది. దీంతో ఇద్దరు కలిసి చంద్రగిరి పోలీస్ స్టేషన్ లో కానిస్టేబుల్ గా విధులు నిర్వహించే పగడాల శ్రీనివాసులు

సహకారంతో భాకరాపేటలో మకాం పెట్టారు. విషయం తెలుసుకున్న భర్త మణికంఠ చంద్రగిరి పోలీస్ స్టేషన్ కు చేరుకుని కానిస్టేబుల్ శ్రీనువాసులను నిలదీశాడు. భార్యను వదిలేసి వెళ్లిపోవాలని… లేకుంటే దొంగతనం కేసు పెట్టి లోపలేస్తానని కానిస్టేబుల్ బెదిరించాడు. దీంతో మనస్తాపం చెందిన మణికంఠ స్టేషన్ పక్కనే ఉన్న పెట్రోల్ బంక్ నుంచి 5లీటర్లు తీసుకొచ్చి ఒంటిపై పోసుకుని నిప్పు అంటించుకున్నాడు. మంటలతో అలాగే స్టేషన్ లోకి వెళ్లి ఆర్తనాదాలు చేశాడు. పోలీసులు, స్థానికులు మంటలను ఆర్పారు. అందుబాటులో 108 అంబులెన్స్ లేకపోవడంతో పశు వైద్య సంచార వాహనంలో తిరుపతి రుయా ఆసుపత్రికి తరలించారు…